Զարգացման Հայկական Գործակալություն

Տորոնտոյում կայացավ հայկական ապրանքների ցուցահանդես

2007թ. հունվարի 16-21 Կանադայի Տորոնտո քաղաքում կայացավ հայկական ապրանքների ցուցահանդես: Ցուցահանդեսին մասնակցեցին 36 հայկական ընկերույթուն, որոնք ներկայացնում էին արդյունաբերության տարբեր ճյուղեր, մասնավորապես, կարպետագործությունը, կոշիկի, պատրաստի հագուստի, տրիկոտաժի, ինչպես նաև սննդամթերքի արտադրությունը: Ցուցահանդեսը անցկացվեց հայ-կանադական համայնքի գործարարների աջակցությամբ, որոնք կեսով չափ հոգացել էին հայկական ընկերությունների ծախսերը:
Ցուցահանդեսի շրջանակներում տեղի ունեցավ կլոր սեղան, որի ընթացքում ներկայացվեց Հայաստանի ներդրումային դաշտը: Նախատեսվում էր, որ ցուցահանդեսը կակտիվացնի արտահանումը Հայաստանից Կանադա, մինչդեռ որոշ ապրանքներ արդեն գրավել էին կանադական գործարարների ուշադրությունը, մասնավորապես շաքարի և աղի ցածր պարունակությամբ պահածոյացված մրգերը և բանջարեղենը:

Միջկառավարական ցուցահանդես` նվիրված Անկախ Պետությունների Համագործակցության
(ԱՊՀ) 15-ամյակին

“ԱՊՀ-ի 15 տարին, Համագործակցություն և Ինտեգրացիա”, 25-28 հոկտեմբերի, 2006թ. Մոսկվա, Ռուսաստանի Դաշնություն, Համառուսական Էքսպո Կենտրոն:
Հայկական ցուցադրման կազմակերպումը Անկախ Պետությունների Համագործակցության (ԱՊՀ) 15-ամյակին նվիրված Միջկառավարական Ցուցահանդեսին, որպես Հայաստանի Հանրապետության Կառավարության հանձնարարական, ստանձնել էր Զարգացման Հայկական Գործակալությունը (ԶՀԳ):
Միջպետական ցուցահանդեսը ներկայացրեց Անկախ Պետությունների արտհանման ներուժը, վերջին նվաճումները տնտեսության, գիտության, տեխնիկայի, առողջապահության, կրթության և մշակույթի ոլորտներում:
Ցուցահանդեսը անցկացվեց ցուցահանդեսների և նման այլ միջոցառումների գծով Միջպետական Կոմիտեի նախաձեռնությամբ և ԱՊՀ-ի Տնտեսական Կոմիտեի որոշմամբ: Ցուցահանդեսը ստեղծեց լավ նախապայմաններ հետագա առևտրատնտեսական համագործակցության զարգացման, տեխնոլոգիական աստիճանի բարելավման և արտադրության մրցունակության համար, ինչպես նաև Համագործակցության շրջանակներում հավասար գործընկերային հարաբերությունների զարգացման համար:

"Էքսպո-2005" Համաշխարհային Առևտրային Ցուցահանդես Աիչիյում

ԶՀԳ-ն նշանակված էր կազմակրեպչական և կոորդինացման աշխատանքների համար պատասխանտուն 2005թ. Համաշխարհային Ցուցահանդեսին, որը կայացավ Ճապոնիայի Աիչի քաղաքում 2005թ. մարտի 25-ից սեպտեմբերի 25-ը և տևեց 185 օր: Էքսպո-2005-ը, իր խորագրի միջոցով, որն էր “Բնության իմաստությունը”, ընդգծեց 21-րդ դարում մարդկությանը և բնությանը մերձեցնող սերտ կապերը: Համաձայն ընտրված խորագրի` ԶՀԳ-ն մշակեց միջոցառումների ժամանակացույց: Գործակալության աշխատակիցները հաջորդաբար աշխատեցին ցուցահանդեսին` տեղեկատվություն տրամադրելով հայկական տաղավարի այցելուներին: Տեղեկատվությունը տարաբնույթ էր, ընդհանուրից մինչև ավելի որոշակի` կախված մեր տաղավարի այցելուների հետաքրքրություններից: Ընդհանուր առմամբ, Էքսպոն այցելեցին ավելի քան 22 միլիոն մարդ, նախատեսված 15 միլիոնի փոխարեն, և ընդհանուր հոսքի առնվազն 10%–ը անցավ հայկական տաղավարի մեջով: Էքսպոն հուշագրավ դարձրեց Նագոյայի Համալսարանի դասախոս Հերոշի Սեգավայի "Մորացված հայկական ցեղասպանությունը" գրքի շնորհանդեսը: Ճապոնիայի կառավարությունը ֆինանսական աջակցություն ցուցաբերեց Նագոյայի Համալսարանին` գրքի շնորհանդեսը կազմակերպելու չորս այլ քաղաքներում` Կյոտոյում, Օսակայում, Հիրոշիմայում և Նագասակիյում:

Արտահանման խթանման գործընթացում ԶՀԳ-ի հիմնական գործիքներից է հանդիսանում միջազգային ցուցահանդեսներին, հատկապես մասնագիտական միջոցառումներին միացյալ հայկական մասնակցության կազմակերպումը և աջակցումը: ԶՀԳ-ն պարտավորված է աջակցել հայ արտադրողներին մասնակցելու բոլոր միջազգային և միջկառավարական ցուցահանդեսներին, որոնք տեղի են ունենում այն երկրներում և տարածաշրջաններում, որոնք առաջնային շուկաներ են համարվում տեղական արտադրողների համար: ԶՀԳ-ն նույնպես կազմակերպում է միջազգային ցուցահանդեսներ Հայաստանում: Միացյալ հայկական մասնակցության նպատակն է ստեղծել իդեալական պայմանններ հատկապես փոքր և միջին ընկերությունների համար` նոր շուկաներ մուտք գործելու, արտահանման ծավալները ընդլայնելու, ինչպես նաև համագործակցության կապեր հաստատելու նպատակով:

Ցուցահանդեսներ կազմակերպելու գործում հաջողությունների հասնելու նպատակով ԶՀԳ-ն համագործակցում է Հայաստանում գործող տարբեր միջազգային կազմակերպությունների հետ, ինչպիսիք են` USDA, USAID, IESC և այլն, և տեղական կազմակերպությունների հետ, օրինակ` “Հայ արդյունաբերողների և գործարարների միության”, “Հայ պանրագործների ընկերակցության” և այլն: